رواية شغف محرم (سطوةُ الطغيان) | الفصل الاول

بسم الله والصلاة والسلام على رسول الله توكلت على ربي ...اللهم بارك لي فيها وجعلها خيرا لي ولكل من يقرأها أو يشاهدها أو تهوى على مسامعه ........الفصل الأول من شغف محرم.....ديما بنسمع جملة القدر فرقنا ...بس هل في حد فينا جرب يعيش جوه الفقد نفسه جوه مستشفى السلحدار كانت جملة القدر فرقنا هي الي ماليه الأركان وتحديدا في غرفة رقم(306) مفيش غير صوتين صوت أنفااس عاليه هاايجه زي الطوفان وصوت جهاز ضربات القلب الي بيرد عليه كان قاعد ...أيهم السلحدار على كرسي جنب سريرها منهار كأنه جبل اتفتت ببعدها... جسمه الضخم الي زي صخور الجرانيت كان متشنج فوق مكان واحد بس وهو ...أديها ده غير بحر عينيه القرمزي الي بلعت كفوفها مع قهر راجل الكل عارف قوته وجبروته مُلقب في كل مكان بالشاهين الجارح بس عند كفوها بيكون ولا أي حاجه غير أنه عاشق فقد محبوبته ...مد ايده على شعرها الناري الطويل عشان يحسسها بوجوده وهو بيهمس بكلمات الوجع:_ خايف ألمسك يا شغفي ...سكت شوي وهو بيبلع وجعه وبيحاول يستوعب الي وصلو ليه سند وشه على ايديها وكمل بصوت مبحوح:_ خايف ألمسك فقلبي يتحرق ... ولا اسيبك فالشوق يقتلني ...سنتين يا شغفي ...حبيبك هان عليكي سنتين.... سنتين وانا مش عارف أكون ليكي لا سند ولا حبيب..قولتي لي هتتحرم منين في يوم ونفذتي كلامك وبقيت عايش محروم حتى من عيونك..فضل ساعات يتكلم ويشكيلها ويعاتب وهو مش واخد باله من حركت صباعها ولما رفع راسه وهو مقرر ان خلاص هيمشي... شاف أديها الي بتتحرك أتحبست أنفاسه جوه صدره ومن الصدمه وقفت دموعه وتشنج جسمه وهو بيبص عليها معتقد أن ده وهم جديد من أوهامه ...بس فاق على جفونها التايها في الغرفه وهي بتحاول تستوعب هي فين بتلف شغف بعنيها وراسها عشان تشوف راجل ضخم واقف وملامحه غريبه بين التوهان والخوف والقهر والحب ...في اللحظه دي التقت عنيهم ببعض مكنش فيه صراخ او دراما بس نظره تايها مشوشه وبؤبؤ عيون بتحاول تفهم هي فين ....وايهم لسه مكانه مصدوم كان أي حركه منه هترجعها تاني لغيبوبتها بس فاق من كل ده على همسها ورجائها:_ مييهكلمه وحده كانت كفيله تخلي ايهم يرجع للنعيم بعد ما اتحرق في ناار فقدها..تمتمت هي تاني :_ ارجوك ممكن تجيب لي ميه ... انا عطشانة جري على كباية الميه وبسرعه ملى كاس ورجع ليها عشان يحاوط خصرها بدراعه وهو بيساعدها تشرب بعدها بيبصلها وهو لسه محاوطها وبيقول:_ شش..شغف انتي سامعاني ..؟بصت ليه بتركيز اكبر ولملامحه الي دخلت جفونها شافت فكه المتشنج ورقبته الغليضه  ....شافت صعود وهبوط تفاحته وهو بيبلع ريقه بلهفا علياه رفعت راسها عشان تلمح جوف وسط ذقنه غير لحيته المهمله الي قررت تتجاهلها وتبص لزرقة عينيه ومع  لحظة التقابل دي ... غمضت عنيها وهي بتحاول متغرقش في التسونامي المشاعر الي هاجمها من الحب والتعب مسح هو على شعرها بعد ما شاف قلقها وهو مش مصدق ان عيون العسل المكرمل شافت النور أخيرا بس الحقيقه هو الي رجع للنور برجوعهم أبتسم بوجع حاول يخبيه وهمس ليها بشجن:_ حمد لله على سلامتك يا.....كان هينطق لقبها ودلعها المحبب ليه بس عجز لسانه خلاه يفوق على الواقع:_ حمد لله على سلامتك يا شغف ... انا هنا أخوكي هنا معاكي وجنبك متخافيش.. فتحت عنيها وبصت ليه بأستغراب زي ميكون كلمة أخوكي ملقيتش مكان مناسب في روحها بس تعبها خلاها تستسلم لقلبه الي بينبض تحت ايديها ..خرجت نفس طويل وسالته بخوف:_ أنت مين ؟ وفين انت بجد أخويهنزلت الكلمه على مسامعه زي الضرب بالمطرقه على جرح ملتهب .. وسأل نفسه ازاي وكلامي معاها وحمايتي ليها وتذللي ليها انها ترجع حبه وخوفه عليها كل ده نسيته ....بلع الصدمه بعد مشاف عنيها الي بتراقبه بلهفه وهي مستنيه جوابه غمض عينه ومن غير ما يحس ابتسم وهو بيقول في نفسه:_ الحمد لله ...الحمد لله أنها نسيت ...شكرا ليك يا رب على رحمتك بحبيبتي ... كفاية أنا هشيل كل الوجع وأوعدك أكون قدها..فتح عينه لقيها لسه بتبصله فقال ليها وهو بيحاول يهدى:_ انتي شغف .... شغف الضبعي  وانا أخوكي أيهم السلحدار...هي بتوهان:_ أيهم وشغف سكتت شويه بتحاول تلاقي لأسمه  أي ذكره في عقلها بس كان كل الي بتشوفه هو السواد وبس فسألت:_طب أنا فين وليه مش فاكره حاجه مسح على شعرها لما حس بالخوف الي خارج من عيونها :_ماتخافيش أنا معاكي .. أحنى في المستشفى بصت لطوفانه تاني وحاولت تسترجع أي حاجه وهي وسط المحيط ده بس كل الي كان عايش في عقلها هو الفراغ دمعت عنيها وهي مش قادره تستوعب أي كلمه قالها:_ انت .. انت قولت إنك أخويه بس انا ليه مش فاكره وشك انا مش فاكره أي حد وليه حاسه بصداع كده ...حاول يبتسم ليها عشان قلبها يرتاح بس في الحقيقه هو الي كان مرتاح أنها مش عايشه نفس احساسه وقلها بصوت هادي ناعم كانه بينيمها مغنطيسياً:_شغف اهدي يا بابا ... كل حاجه هتكون كويسه ماتضغطيش على نفسك المهم انك فوقتي بالسلامه وكده كده ذاكرتك هترجع وحتى لو مرجعتش المهم إنك هنا جنبي ..ارتاحت بعد كلماته بس لسه في غصه حارق صدرها فسألته:_أنا حصلي أيه .. وليه انا في المستشفى بيتنهد بخوف:_ عملتي حادثه وانتي سايقه عربيتك ..مش وقت الكلام في الموضوع ده دلوقتي ارتاحي الأول بعدها نتكلم ... انا هروح أنادي للدكتور نزل جسمها على السرير وقام من مكانهضغط على جرس الممرضه ولسه كان هيتحرك مسكت هي ايده قبل ما يتكرك وقالت:_ متسيبنيش لوحدي  بيغمض عنيه بجوع بس هو ضعيف قدام همساتها ولازم يبعد فلف ليها وقالها :_ متخافيش انا هنادي للدكتور وهجي بسرعه _ انت بتقول كده وخلاص صح اوع تمشي انا مش عارفه حد غيركمسك اديها الي ماسكه دراعه وقال وهو بيبوسهم:_ عمري مهسيبك .. انا بس هنادي الدكتور عشان يطمني عليكي هزت راسها بتفهم وسابت دراعه خرج هو لبره وأول مقفل الباب وراه غمض عيونه وهو بياخد نفس عميق نفس خرج فيه كل الي حصل ...فضل واقف لحد ما قربت منه الممرضه هناء وقالت بفرحه:_ ايهم باشا حضرتك كويس والهانم الصغيره كويسه بيبصلها وبدون مقدمات بيقول:_ شغف فاقت ..من  الصدمه هناء بتصرخ وهي بتقول:_ أحلف ...مبيردش عليها فتبتسم بسعاده فهي من سنتين كان نفسها البنت دي تفوق من كتر ما شافت دموع أيهم عليها وقالت ليه بمباركة:_ ألفف مبروك حمد لله على سلامتها الحمد لله كله بفضل ربنا ودعواتك يا باشا بيهز راسه وهو مش مهتم :_ خشي اطمني عليها ومش عاوز رغي كتير معااها فاهما _ حاضر يا باشا امركبيصرخ:_ قبل ما تدخلي غوري نادي للدكتور بتتحرك الممرضه بسرعه عشان تنفذ امره وبعد شويه بترجع تقف قدامه وهي ملهوفه تدخل غرفت شغف:_ الدكتور جاي حالا يا فندم تأمر بحاجه تانيبينفخ ايهم دخان سجارته متجاهل تماماً يافطة ممنوع التدخين في المستشفى بيبصلها بحده وبصوت عالي بيقلها:_ إياااك ألمح حد جوه غرفة الهانم من غير أذني وأي حد هيدخل هعاقبك انتي فاهما_ امرك يا بيه متقلقش على الهانم دانا هخلي بالي منها ومش...بيضرخ:_ انتي هتسايريني غوري يله من وشي اطمني عليها ..بتجري الممرضه من قدامه وهو بيرجع يبص على شغف من قزاز الغرفة وهو شايفها بتلعب في اصابعها كانها بتستكشف نفسها.......بتدخل الممرضه للغرفه فبترفع شغف راسها بلهفه مفكره انه رجع أخيرا بس بتلاقي الممرضه المبتسمه بسعاده غريبه قدامها بتبادلها الأبتسامه ..الممرضه بحماس:_ الف حمدالله على سلامتك يا قمر المستشفى نورت بطلتك الحلوه وقومتك بالسلامه _ شكرا لحضرتك ده نورك بتبدء الممرضه تعمل شغلها فبتسالها شغف:_ لو سمحتي هو انا بقالي قد أيه هنا؟_ سنتين يا ست البنات..بتصدم شغف لدرجه ان بؤبؤ عنيها بيتسع :_ سنتين انا في غيبوبه من سنتين ازاي واحنى في أي سنه...الممرضه :_ احنى في 2026 يا قمر ومش مهم السنين المهم انك فقتي بالسلامه شغف بصدمه:_ بس كتير سنتين ...._ يا ست البنات الي جاي مش اكتر من الي راح عيشي ومتزعليش على السنتين دول خصوصا ان أخوكي يا حبت عيني مصدق ده كان بيبات هنا كل ليله بجد ربنا قومك من المصيبه دي بسبب دعواته وصبره ...الله يحفظه ليكي ...سكتت شغف بعد ما سمعت سيرته وحست بنغزه غريبة في قلبها ونبض متمرد خرج من غير مخرجه عشان يخليها تحس بعدم الراحه كل متسمع كلمك ( أخ ) فبتهمس ليها بحزن:_ اخويه هو تعب في غيابي اوي كده..الممرضه بتأكيد:_ ايوه يا ست البنات ربنا يخليكي ليه أنا بصراحه مشفتش أخ بيحب أخته قد ما أيهم باشا بيحبك ...سكتت شغف تاني وهي مش مستوعبه أي كلمه قالتها نزلت راسها تبص على اديها الي مسكت ايديه وقالت في نفسها :_ أخويه بس ملامحنا مش متشابها وعيونو فيها حاجه غريبه معقوله يكون لسه مصدوم أني فوقت... بيقطع افكارها دي دخول الدكتور ....بعد شويه خرج الدكتور من غرفتها ومعالم القلق ظاهره عليه عشان يلاقي ثور هايج واقف قدامه بيبلع ريقه بخوف :_ ايهم باشاأيهم بهدوء:_أستجابتها أيه .. وأيه سبب فقد الذاكره بيتنهد الدكتور :_ في حالت الآنسة شغف ده كان المتوقع... خبطة الدماغ مكانتش سهله هي  جسديا كويسه جداً بس نفسيا صعب أحددايهم بيصرخ:_ ليه حصل ليها ايه اخلااص هو انت هتنقطنيالدكتور بخوف:_ يا باشا الانسه حاليا بتمر بأنفصال ما بعد الغيبوبه .. دماغها عمل زي درع لنفسه ومسح ذكريات معينه لما سألتها لقيت أن أخر حاجه فاكرها أنها كانت عايشه في لوس أنجلوس .... بس دي يا أيهم بيه مش المشكله أحنى حاليا قدام لغز .. هل لما تفتكر هتقدر تتحمل الحقيقة الي مرت بيها ولا هيحصل مضاعفات ..أيهم بيصرخ:_ يعني ايه مفيش علاج لحالتها..؟_ لا يا باشا العلاج موجود لكن فحالتها العلاج صعب لأننا مش متوقعين هيحصل أيه لو تعرضت للصدمه دي ..بيبلع ايهم غصت وبيساله بصوت اهدى ومرتعش:_ طب والحل ..._ في الوقت الحالي الأفضل أن الذاكره مترجعش حفاظا على صحتها لحد ما تتحسن وتكتشف حياتها الجديده ...قبض ايهم على ايده لدرجه أن أضافر يده جرحت  جلده ونزل الدم منها لاحظ الدكتور حالته فقرر يسيبه في دوامته ويمشي بعدها بيدخل أيهم الغرفه على شغف الي نامت بسبب الصداع والتفكير قرب منها وزي ما هو متعرد نام جنبها وهو بيرفع راسها في حضنه ..اول مشم الياسمين الي رغم جفونها المقفوله مفارقتهاش الريحه دخلت صدره وزرعت حقول من الحب والحياة نزلت دمعه من بحره عشان تحرق خدوده و في الاخر غرق شعرها ببحر حزنه...همس ليها وهو بيتنفس ريحتها الي مهما استنشقها بيكون عاوز أكتر:_ نامي يا شغفي .. نامي ورتاحي وأعرفي أني دايما جنبك ومعاكي يا شغف الأيهم...بعد شوي بيكون ايهم واقف بيتفرج من قزاز الشباك في ممرات المستشفى على  المطر الي في غير أوانه كانه بيشارك قلبه الحزن بس الفرق الطرقات بتتغسل من المطر انما قلبه مش لأقي الي ينظفه...فضل كده لساعات وهو بيدخن متجاهل كل ه مهمات المارين عنه لحد مسمع صوت باكي ملهوف وسعيد بيقوله:_ أبيه أيهم بيلف ايهم عشان يلاقي أخته ليلى وجوزها عمر صاحب عمره جيين عليه وعيونهم كلها سعادة بيقفو قدامه وبتقوله:_ ايهم طمني اللي سمعته ده صح شغف فاقتبيرمي السجاره عشان ميأذيش أخته الحامل وبيلف ليها :_ ايوه يا ليلى شغف فاقت بتترمي ليلى في حضنه وهي بتبكي بصوت عالي فعمر بيقول :_ الف حمد لله على سلامتها ...اهدي يا ليلى عشان متتعبيش خلاص شغف رجعت ليلى وهي لسه بتشهق في حضن ايهم:_ أخيرا يا ايهم أخيرا يا حبيبي هترتاح ...سنتين وانا بدعي ترجعلنا بالسلامه الحمد لله أيهم بيضمها:_ اهدي يا ليلى عشان متتعبيش ...بتبعد عنه ليلى :_ انا لازم ادخل اشوفها هي في الغرفة صح...قبل ما تدخل ليها بتوقفها دراع ايهم :_ استني الموضوع مش بالبساطه دي ..عمر باستغراب:_ قصدك ايه حصل ايه هي شغف تعبانه و الدكتور قال أيه على حالتها...بيتنهد ايهم بوجع وهو بيبص للفراغ:_ شغف فاقت بجسمها بس....ليلى بصدمه:_ يعني ايه يا ابيه متخوفنيش أيه الي حصل ليها هي كويسه صح..._ شغف فقدت الذاكرة يا ليلى  اخر حاجه فكراها لوس أنجلوس...شهقت ليلى من الصدمه وبصت لعمر الي مش مستوعب الي سمعه :_ ازاي يا ايهم والدكتور قالك ايه ليلى ببكاء أكثر:_ يا نهار أبيض يعني مش فاكراني ولا فاكراك ازاي ومش فاكره الايام الي عشناه سوى ازاي أصلا نسيتك انت و...بيصرخ ايهم بغضب :_ مش فااكره حااجه خلاص نسيت كل حاجه يا ليلى حتى أنا...عمر شاف أنفعال صحبه والضغط الي هو فيه من الخوف والحزن  :_ طب الدكتور قال ايه اهدي يا ليلى عشان نفهم..بيمسح أيهم على شعره:_ قعد يرغي ابن الوسخه ومطلعتش منه بحاجه غير انها انفصال ومفيش علاج عشان لو افتكرت هتحصل ليها انتكاسه سأله عمر:_ طب وده في مصلحتنى ولا ضدنا يا شاهين ..._ في مصلحتها هي يا عمو إنما في مصلحتي أنا بيسكت وبيلف وشه بعيد عنهم عشان محدش يلاحظ كسرت عيونه:_ مبقتش فارق يا صاحبيليلى بتقرب منه وهي مشفقه على حالت أخوها والي وصل ليه:_ ايهم حبيبي متزعلش نفسك وفكر فيها بالعقل ..الي خطفها لسه منعرفش هو مين او فين والوضع دلوقت مش أحسن حاجه في البيت عمر :_ ايوه ليلى عندها حق يا أيهم خصوصا السلحدار باشا من ساعت معرف وهو متعصب جدا ومش طايق حد ..ايهم بتنهيد تنهيده طويله فيها كل الصراع :_ السلحدار باشا انا هتصرف معاه سيبهولي وكده كده انا موجود ومش هيقدر يأذيها ...المهم دلوقتي إنها تحت عيني وفي حمايتي أنا هكون ليها الأخ لحد ما ربنا يرزقها بأبن الحلال وأجوزهولها...بتصدم عمر وليلى ومن الصدمه بتصرخ ليلى فين :_ تجوزها لمين يا ايهم انت اتجننت بيصرخ ايهم:_ ليلى احترمي نفسك وعرفي انتي بتتكلمي مع مين ... مش عشان ساكتلك هتتعوجيليلى بنرفزه اكبر:_ ايهم ايه اتعوج دي انا خايفه عليك وانت بتقول كده عمر بيحط ايده في النص بينهم:_ اهدو يا جماعه احنى في مستشفى وإنتي يا ليلى عيب كده ايهم اكيد عنده وجهت نظر..أيهم بينفخ بغضب بعدها بيمسح على شعره وفكه بيتشنج من كميت الألم الي بتعصر قلبه:_ ملكيش دعوه مقلتلكيش تخافي عليا أمال عوزاني اعمل ايه معاها ... اقعدها جنبي ليلى بغضب:_ انا هدخل اشوفها وطمن عليها وانت حر يا أيهم عمر بيمسك اديها قبل ما تدخل :_ اهدي يا ليلى ايهم مش قصده وكمان لما تدخليلها براحه عليها عشان متخفش وتصدمايهم اول مسمع كلامه لف لليلى بلهفا وخوف:_ ليلى براحه عليها انا مش عاوزها تتوجع وماتضغطيش عليها تفتكر حاجه ... كفايه الي شافته بتبصله بغيظ وعشان تهدي الجو بينهم بتقول بمرح:_ بق كده ده اسمه تفرقه عنصريه بين الأخوه مش عاوزها هي تتوجع وانت نازل فيا زي الجموسه النطح من سعت مشفتني وانا حامل وتعبانه وبسببك البيبي هيجي معقد ومتعصب زي خااالو الكشري...بيبتسم ليها أيهم :_ حقك عليا انتي عارف الي انا فيه مش سهل حد يستوعبه ... بتبصله ليلى بوهن فرغم انه كاتم كل آلامه ودموعه الى انهم بيلمعوا فعيونه اقوى من لمعة الضوء...بتدخل ليلى لشغف وبيتنهد ايهم بعدها بيلف بجسمه كله ناحية الشباك وهو بيخرج سجاره عشان يكمل شروده في المطر اما عمر فبيقرب يقف جنبه وهو مش عارف يواسيه بإيه بيحط ايده على كتفه :_ أجمد يا شاهين عارف انها صعبه وانك شايل حمل كبير بس أنت قدها ..بيخرج نفس من سجارتة وهو لسه بيبص على قطرات الميه والناس الي بتجري  من المطر :_ ظهري سداد يا صحبي عمره مايتسكر طول مهيا بتتنفس حتى لو نفسها هيكوي قلبي كل يوم مية مرة..._ طيب وناوي على أيه ...الي بينكم مكنش سهل .._ غصب عني لازم أتقبل دي أختي يعني التفكير في الي كان بيننا محرم عليا .._ السلحدار باشا قالب الدنيا في البيت مرضتش أتكلم قدام ليلى عشان متزعلش وانت عارف حملها صعب ...بيلف ليه ايهم :_ حصل أي تاني مش كفايه دعاويه عليها كل يوم ده غير الي بيتقال في ظهري... بيسند عمر على الشباك وهو بيبص لملامح صحبه الي بهتت ونطفت بيتنهد بعدم راحه:_ ليلى رنت على سعاد هانم عشان تبلغها ان شغف فاقت ..بس للأسف من حماسها اتكلمت من غير متعرف السلحدار باشا جنبها ولا لا .. وسمعها بعدها سمعنا صوت زعاق وخناق بينهم كل الي  فهمناه انه مش عاوز شغف ترجع تاني القصر ...بينفخ ايهم  من سجارته وبيسأل:_ طارق فين _ في مهمه جديده مراته قالت انه هيرجع كمان أسبوع .. عاوزه ليه في شغل جديد .._ لا بس عشان نبدء ندور ورى الي عمل في شغف كده بصله عمر بصدمه:_ انت بتتكلم بجد ولا سخن ولا فيك ايه ...ايهم بيصرخ:_ وهسخن ليه يا روح امك ... دحتى مفيش كلبه نتايه عدت قصادي عشان أسخن _ يا اخي نقي ملافظك ايه ده ..بيرمي ايهم السجاره في الأرض وبيدوس عليها بجزمته وربع ايده بقلت حيله وهو لسه بيبص للمطر ...عمر برفعت حاجب بيسأله:_ طب مقلتش هتعمل أيه في الي داخلين عليه بصله أيهم نظره فيها معنى لكل الي حاسس بيه نظرة صاحب بيقول لصديقه خليك ساندني عشان انا هقع يا صحبي :_  متقلقش على الشاهين يا صاحبي انا اديلي سنتين مستني اللحطه دي وتخيلت اسوء من كده بكتير ...انا خلاص تقبلت الماضي والحاضر والمستقبل مهما كان وربنا يكون في عوني على كل ده ...سكت الجو بينهم بعد كلمات ايهم مكنش فيه غير صوت المطر المزعج وانفاس ايهم الي مهما حاول يهديها بتعلى ..بس درجت غلبان قلبه لو نزلت على جبل لفتتهمره وحده وسط كل الهدوء ده سمعو صوت صرخه شغف جايه من الغرفه بيتفزع ايهم وبيجري على جوه بعد مصراخها مزق قلبه دخل الغرفه ووراه عمر ونصدمه من المنظر كانت شغف نايمه على السرير وجسمها متخشب وبيخرج منها صراخ كانها في كابوس مرعب وليلى جنبها بتحاول تفوقها وهي بتعيط بيجري عليها ايهم وبيشها لحضنه وهو بيهمس ليها  :_ شغف ... شغف اصحي انا هنا انا جنبك ده كابوس مش حقيقه أفتحي عنيكي يا شغفي أول مسمعت اسم شغفي فتحت عنيها بخضه كبيره وهي بتشهق كان حد أنقذها من الغرق بس نظرتها ليه كانت نظره مرعوبه كانها شايف قدامها وحش مش أيهم بيبدأ جسمها يرعش وهي بتهمس بضعف:_ ابعد عني ... ارجوك ابعد عنييبيتراجع ايهم لما شاف نظرتها وهمسها المرعوبين وهمس لنفسه وهو شايف ليلى وعمر بيحاوله يفوقوها:_ حتى في حلمك خايفه مني..؟حتى بعد ما نسيتي كل حاجه روحك لسه فاكره الي عملو فيكي شاهينك..صدره بدأ يعلى بحركة متسارعة، وعيونه على الممرضين اللي بياكلوا الأرض ناحيتها، في الوقت اللي عمر وليلى واقفين فيه حايسين مش عارفين يهدوا الصرع اللي هي فيه.وفجأة... كل الأصوات اخافت من المكان. زحمة المستشفى دبة الرجليين ونداءات الدكاترة، كلها اختفت ومفاضلش في ودان أيهم غير صوت صراخها هي... صراخ كان بيخرم صدره وبيرن جوه قلبه زي صدَى مرعوب في بير مهجور.....في اللحظة دي حس بإن الأرض كلها بكل اللي عليها مش محتاجة مخلوق في الدنيا دي غيره هو.اندفع ناحيتها زي السيل، زاح كل للي واقفين في طريقه وضمهـا لقلبه بقوة كأنه بيلحم روحها في روحه. كان ماسك فيها وهو بيلهث بيحاول يسمعها دقات قلبه اللي كانت بتدق زي الطبول من الرعب... رعب وخوف إنه يخسرها بعد ما صدق لقاها.أما هي... أول ما استنشقت ريحته هديت كان تأثيره أقوى من أعتى مهدئ. حضنه كان مفتاح شفرة انهيارها. سكنت تماماً بين دراعاته كأنها كانت طايرة في عاصفة ولقيت البر .....ودفا صدره لمّ شتاتها، في حين دموعها الغزيرة كانت بتسرح على قميصه.....كل ده بيحصل تحت نظرات عمر وليلى... واقفين الصدمة ملجمة ألسنتهم مش مستوعبين المعجزة اللي بتحصل قدامهم، ولا مدركين ولا فاهمين حجم الجحيم اللي مستنيهم في المستقبل معاها......يتبع في الفصل الثاني....