شغف محرم | الفصل الخامس

القلوب الغاويه صعب تلاقي الأحاسيس الصادقه لانها بتعيش في سكة سفر دروبها مجهوله بنفتكر اننا بندور على الحب بس الحقيقة احنى بنهرب من نفسنا للحب ..لحد ما بتضيع منا لحظاتنا وبنكتشف في الاخر اننا واقفين في محطه مبيقفش فيها قطر الحياه فنشرد في أنتظار الخلاص...______بيرجع ايهم بعد ليله طويله خارج القصر كان متوقع انه هيلاقي القصر هادي في وقت الصبح بس اتصدم اول موقف عند بهو القصر بعمال كتير شايلي اشكال والوان من الزرع والورود والأشجار اعتقد ان والده قرر يجدد الجنينه ومعطاش اهتمام للموضوع قبل ما يدخل شافه زين الي قرب منه: _ شاهين الجراح ..جي بادري يعني دانا قولت هطبق أسبوع ..._ استظراف اهلك ده مش عاوزه ايه الوش والقرف الي بيحصل هنا ده انا جاي اريح الاقي وجع الدماغ ده قدامي..زين بحط ايده على كتف ايهم :_ الله يسهلك يا عم دانت حتى لسه جي من المزاج كله ...بيزق ايديه :_ هتخلص وتقر بلي عندك ولا امرمط بيك الأرض قدام الحرس والعمال بيربع زين ايديه بملل :_ ابدا يا شاهين خواجتنا الحلوة محتاجه حديقه فطبعا فوزي باشا السلحدار الكبير اوي ... ابوك المحترم بيضعف قدام الجمال  وصراحه حقه هي دي يترفضلها طلب دانا مستعد  ابق زرعه لو هي الي هتسقيني..نفخ ايهم وقال بضيق:_  يعني كل المهزله دي عشان المدااام _ مدام مين هي متجوزه  يا مصيبتي السوده بيضربه ايهم بالقلم وهو بيقول:_ أخرص ياض لسانك لقطعهولك انا على اخري منك أصلا..حط ايده على راسه وهو بيصرخ:_ والله انا خسارة فيكم عيله تصد النفس بصحيح بيدخل ايهم بخطوات غاضبه وعينه زي الرادار بيدور عليها بعينه وقبل ما يشوفها بيصرخ :_ ايه الي بيحصل هنا يا سعاااد هانم ... الي سمعته بره ده صح  انتو....وقبل ما يكمل جت عنيه على شغف الي واقفه جنب سعاد ببنطلون جينس وبلوزه رقيقه مبينه خصرها النحيل ورشافت جسمها وشعرها الي رفعته في ديل حصان بين فكها الناعم  بصت ليه شغف وهي فاهما نظراته الوقحه كانت عارف ان الرجال مهما كان مش بيصمد قدام جمال المرأة وبصوت انثى واثقه قالت :_ حضرتك انا بعتذر على مضايقتك يا باشا ... الجنينه هتكون فوق السطح يعني مش هعطل طريق سيرك ولا حتى هاخد من وقتك ..زين من ورا أيهم :_ انتي تعملي الي انتي عوزاه .. ان شاء الله تعطلي طريق فيصل ولو مفيش جنينه انا هقلب جنينه كلي فدا الجميل..سعاد بغضب:_ يا ابني حرام عليك فضحتنى قدام البنت بس بقا ... تعالى يا ايهم يا حبيبي انت رجعت متأخر امبارح ولا ايه انا مشفتكش بليل ...ايهم مردش عليها ومشي بخطوات بارده نحيت شغف وقف قدامها وقال وهو بيفصص كل حتى فيه كانه  قلبه بيرسم ليها لوحه جواه:_انا مش قلتلك يا مدااام البيت ده ليه نظام ومش كل وحده حلوه هتتنطت علينا وتعمل الي على كيفها ...شغف بتبص لعيونه الي زي الموج الثاير:_ عمي فوزي رحب بلفكره وبما انه بيته فاكيد انا مطنتطش ولا سببت لحضرتك أي أذى لو مش عاجبك تقدر تغمض عينك عن السطح وانت طالع جناحك ..تدخلت سعاد بسرعه بعد مشافت شرارت التحدي في عيونهم:_ ايهم حبيبي اهدا بس والله السطح بقى يجنن ... هو كده كده محدش بيستعمله وهي قالت انها هتخلي الكل يستعمله ويحس فيه براحه وفعلا ذوقها رائع خلته تحفه تعاله بس اطلع شوفه ..ايهم وهو لسه باصص لشغف بعيون بتاكل ملامحها وجسمها:_مش عاايز اشوف زفت ... ويا ريت المدام تفضي الليله عشان انا عااايز هدوء مشي العمال انا راجع من الشغل مدايق ودمي محروق فمتخلونيش اتهور عليكم ...سابهم ايهم وطلع بعد ما ألقى أوامره بصت شغف ليلى وقال بغضب:_ اخوكي بجد محتاج درس في ازاي يوطي صوته ويتعامل مع الآنسات ..ضحك فوزي الي قرب قعد جنبهم :_ صح يا بنتي هو محتاج أعادت تربيه وضبط مصنع الجدعه باه الي هتقدر تعملها سعاد قعدت جنبه وسالته:_ يعني انا معرفتش اربيه يا حج دانا كنت بسهر عليه..ليلى وهي بتنط من مكانها :_ بصراحه يا ست الحبايب انتي فشلتي في تربيت الاتنين وانا اقترح عليكي تعتزلي المنصب وتديه لوحده جديره بالثقه صح يا حجوج مش انت محتاج تجدد شبابك بوحده حلوه كده تربي عيالك الشحوطه ..بيضحك فوزي :_ مش اما اجوزك انتي الأول يا اخرت صبري ..زين  بيضرب ليلى  على قفااها  :_ انا شحط يا خلت السنان يا منبع الزباله فوزي بغضب منهم :_ والله اول حاجه محتاج أعملها أخلص منكم انتو الأتنين عشان جضيت ..زين:_ بق في راجل كبره زيك يا حج يقول جضيت .. قال وانا الي عايز اتربه امال انت عايز ايه باه ..بيلف لسعاد:_ لمي جوزك عنا يا وليا بدل محسرك عليه ...بينفخ فوزي وبيتجاهل كلامه وشغف كل ده بتضحك رفعت سعاد اديها لسماء وقالت:_ يا رب انت عارف قد ايه تعبت مع العيال دي بس طلع واحد مش طايق نفسه ومعقد وتاني اهبل وعبيط وفااشل .. ووحده هطله مش هتعقل يا رب ارحمني منهم عشان انا تعبت ليلى:_ بق كده يا مامتي بنتك حبيبتك هطله طب والله لما قرت عيني يجي لشتكيي ليه هااا بقى ...بعد دقايق  اتلمت العيله حولين سفرت الغدا لف فوزي لشغف الي بتبص للاكل بحيره:_كلي يا بنتي نورتي بيتك ومكانك_ ده نور وجودك يا عمي _ احكيلي بقى أيه اكتر حاجه كان نفسك تعرفيعل عن مصر ... رفعت شغف راسها  :_ وحشني دفاه  القلب واللمة هناك الحياه سريعه اوي كل واحد في حاله  كنت بطلع السطح عندي أتكلم مع وردي عشان محسش اني وحيده..ضحكت ليلى :_ بتتكلمي مع الورد ازاي..شغف بتبتسم:_ الورد والنباتات بتحس وبتبادلك الحب ده بالوانها وروائحها   عشان كده استأذنت عمي في اني اخلي السطح جنينه ..رد ايهم وهو نازل من السلم بعد ما غير ملابسه وريح سحب الكرسي عشان يقعد على السفرة :_ الورد والكلام الفاضي مش هما الي بيبنو بيوت يا مدااام....المسؤولية والنظام هما الأساس الكلام الفاضي والهايف ده ميأكلش عيش ..سكت الكل بعد كلامه وتوقعت سعاد ان شغف تنفجر ويحصل تشابك بينهم بس شغف فاجأتهم لما ابتسمت ليه:_حضرتك عندك حق ... النظام مهم والمسؤولية أساس الحياة  بس النظام من غير روح بيكون سجنه والمسؤوليه من غير حب حياة وهميه .. انا مش بفرض حياة خياليه ..انا بحقق توازن وأظن التوازن ده هو الى بيحول الوحش لأنسان ..ضحك فوزي  وأيهم  بدأ يشرب قهوته من غير ما يهتم بكلامها الساذج في نظره :_ برافوي يا بنتي كلامك صح جدا .. كملي احكيلي عن مغامراتك في الجامعه سمعت من والدك انك كنتي شاطره جدا ..اتصدمت شغف لدرجه إن بان عليها الضيق والتوتر:_ هو والدي حكى لحضرتك عني.._ طبعا يا بنتي أمال كنت هعرفك ازاي؟نزلت شغف عنيها للطبق بحركة حزينه مغابتش عن عيونه الي بتحفر ملامحها راقب حركت شفتيها وتورد خدودها لما بتضحك وزاي عنيها بتلمع ببريق من القوه والضعف في وقت واحد حس انها أنثى نمر شرسه في كلامها وافعالها وفي نفس الوقت عيونها بتلمع بالحزن لمعه عارف انها مخفيه ورا هدوء ملائكي ..قام فجأه من مكانه قبل حتى ميكمل فطاره بص للكل بنظره بارده قبل ما يمشي من قدامهم سالته سعاد قبل ما يخرج:_ رايح فين يا ابني مش هتكمل اكلك .._ طفحت يا سعاده هانم ..خرج ايهم بسرعه ركب عربيته ونطلق بيها بسرعه كبيره كانه بيحاول يفضي كل إضرابات قلبه من الاحاسيس الجديده..وصل لمكان سهره نزل من العربيه ودخل بخطوات كلها ثقه وتكبر كانه مكنش غرقان في حيره من لحظات دخل وقعد في مكانه المخصص وبمجرد دخوله بتنطفي الأغاني والكل بينتبه ليه بيشاور للبنات الواقفين بايديه وهو بيرفع كاسه..بتجري عليه البنات عشان ينتشرو حولينه بيرفع راسه لمساعده داود الواقف وراه :_ الكلام على ايه .._  الليله السهره مختلفه يا باشا .. في طاوله بوكو ودعيت حيتان السوق كله عشان حضرتك تفرقهم وتعرفهم مين شاهين الجارحي ابتسم ايهم ابتسامه ساخره وهو بيرفع الكاس :_ قماار..تمام دخلهملي اشوف مين بايع نفسه وفلوسه ..بيدخل رجال على ايهم وهو بيبدء يدخن بيقعدو قدامه بيشاور ايهم للموزع عشان يبدأو :_عايز اشوف أخاركم ..تحرك الموزع للطاوله عشان يوزع أوراق اللعب  ايهم سحب ورقه ورماها في نص الطاوله :_ اه نسيت اعرفكم ان الرهان زايد الضعف يعني لو دكر فيكو عايز ينسحب من دلوقتي هعتبره حُرمه مش قد كلامها ...واحد من المقامرين :_ انا برا اللعبه يا شاهين معاك اللعب هيكون انتحار وانا مش مستغني عن نفسي بيضحك ايهم :_ اول حرمه تنسحب مين تاني ..ومره وحده بينسسحب  الكل لحاد ميفضل مقامر واحد شايف انه لازم يعلم عليه  بص ليه ايهم وهو بينفخ دخان سجارته:_ وانت بقى الي عامل فيها دكر ..المقامر رمى ساعه من الالماظ ومفتاح عربيته وشيك بحسابه البنكي وقال:_ على كل الي حيلتي يا شاهين بس لو فزت هاخد انا وكر الجارحي (يقصد الملها الليلي  الي ايهم عامله لشله ولتسلياته)بيضحك ايهم وهو بيرجع بظهره بيبص للبنت الي جنبه وبيسالها وهو بيلف دراعه العريض حولينها:_ انتي رايك أي يا حلوه نلعب ولاا البنت بدلال:_ الخساره مبتجيش على سكت دهشاني ..بيضحك ايهم اكتر وبكل برود بيشد كرت  وبيرميها على المقامر وهو واثق من فوزه الكل بيصدم لما بيشوف الورقه وايهم بيقوم وهو بيشاور على ربحه :_ احرقلي العربيه دي والساعه وكمان كل مليم في الحساب المقامر بيصدم انه خسر كل حاجه وكمان ايهم هيحرق ممتلكاته بالبرود ده خرج ايهم وهو سعيد بالنصر كأن روحه بتتجدد مع كل وجع بيسببه لأنسان خرج ببرود وهو تايه في الطرقات مش عارف يروح فين حاسس ان مفيش مكان مريح في الدنيا يليق بروحه  الطاغيه وقف بعربيته قدام كرنيش النيل نزل منها وسند على الكبوت طلع علبت سجايره وبدء يدخن وهو بيبص لنعكاس الانوار في  مية النيل ومن غير أراده منه جت في خياله صورتها الخلابه ابتسم وهو بيخرج سجاره :_ وحش يخرب بيتك ..حتت نتايه ترد الروح..ضحك وهو بيفتكر ضحكتها حس بنتشاء من تخيلها وهي بتضحك خد نفس من سجارته اكتر وهوبيحاول يخرج من حالت الهيجان الي جتله بسبب تخيلها ومره وحده حس بحد بيشد بدلته نزل راسه عشان يلاقي بنت صغيره ورغم صغرها الى ان ملامحها الجميله وبرائتها مغطيه على لمعت عيونها الحزينه كانت شايله ورد أحمر اول ما بصلها ايهم قالت:_ تاخد ورد يا بيهابتسم ايهم لما شاف الطفله:_ لمين يا حلو انت .._ للي بتحبها يا بيه...._ معنديش حد احبه ..البنت بتمد الورد ليه :_ الورد ده هيخليك تلاقي الي تحبه...بيضحك ايهم وبيمد ايده لجيبه وهو بيقول:_ خلاص ماشي على ضماانتك يا جميل ولو ملقتش هجي ارميكي في النيل ..البنت بتضحك :_ متقلقش انا بحبك يا بيه كده مش هترميني في النيل ضحك ايهم اكتر ونزل لموستوها مد ايده ب 100 دولار وقالها:_ خدي دي  اشتري كل الي نفسك فيه..بتبص البنت للفلوس الغريبه عليها وبتقله بحزن:_ بتديني فلوس مزوره يا بيه انا عاوزه 20 جنيه بس..بيضحك ايهم على برائتها:_ بس دي 100 دولار يعني حوالي 6000 جنيه_ لا يا باشا انا عاوزه 20 جنيه بس مش عاوزه الورقه دي_ طيب يا ست انا غلطانلك استني ..بيخرج ايهم من جيبه روزمه من ال200 وبيقلها:_ هااا  مصري اهو ينفع ولا لازم 20بتبص للبنت للفلوس الكتير وبتقول:_ هااا  دي كتيره اوي كل ده ليا بضحك ايهم وبيمسح على شعرها:_ ايوه يله روحي دلعي نفسك بس اوع حد يضحك عليكي وياخدهم خبيهم ..بتمد ايدها بالورد ليه فبيقول:_ انا عندي جنينه من الورد فوق السطح خلي دول هديا مني ليكي ..بتبتسم البنت وبتاخد الفلوس وبتمشي وهي راضيه وسعيده بيبص على طيفها ايهم وهي سعيده...بيرجع لسجايرة والشرود في النيل وهو في حرب بين مشاعره وكبرايئه الصليط  مرت الليلى عاديه على الكل الى هو ...واشرقت شمس يوم جديد على قصر السلحدار كانت شغف اول من يتحرك في القصر طلعت لسطح عشان تباشر عملها في جنينتها الجديدة بنسبالها الجنينه مش مجرد حديقة دي وطن بتحتمي فيه وسط  غربة العالم في الجه التانيه من السطح كان في صرح مصنوع من الزجاج الأسمر الفريد في تصميمه  بيمنع روأيت أي حد داخله بس في نفس الوقت بيسمح بلي جوه يشوف كل الي بيحصل ... ده هو مكانه السري وخلوته كان قاعد ايهم على الكنبه بيقرأ كتاب قبل شروق الشمس .. بس من وقت ما شافها وهو مقرأش سطر واحد ..كانت عينيه بتروح وتيجي مع المشهد البديع على مملكته..مشهد شغف الي لابسه فيتان اصفر من الشيفون وشعرها الناري ربطته في كعكه مع بعض الخصلاة المتطايره ... برزت رفع رقبتها وظهرت ترقوتها ... كانت بتغرس النباتات وبتشتغل من غير ملل جاهله عن العيون الي اخترقتها زي الرصاص..مرت ساعات وهو لسه قاعد مكانه مشدوه بيها ..ومنظر شروق الشمس على بشرتها المرمريه خلاه يتمنى اكتر..يتمنى يلمس الجسم النحيل الي افقده عقله..قبل ما تخطر حتى فكرت افتراسها على عقله شاف ليلى بتقرب منها ... مسك ريموت مخصص بالغرفه عشان يفتح عازل الصوت ويقدر يسمع بيتكلمو فأيه..قعدت ليلى على كرسي حطته شغف في نص الجنينه وهي بتمد العصير لشغف:_ خدي يا شغف جبتلك عصير برتقال..شغف بتلف ليها وبتقعد جنبها وهي بتاخد العصير:_ شكرا يا لولي ..بتبص ليلى للمكان الي بقى جنه حرفيا بسب الورد والزرع:_ تسلم ايدك يا شغف حولتي السطح ونسيت اقلك في عمال جو تحت تاني.._ بجد وصلو كويس عشان كان ناقص ورد الياسمين وده اهم واحد فيهم _ مش خايفه ايهم يجي يشوف العمال ويتعصب عليكي تاني ده ممكن يقتلنا فيها .._ اخوكي ده غريب اوي يا ليلى هو عصبي كده على طول .._ لا وحياتك مع البت بتعته بيقلب ديك بلدي ..بتضحك شغف على تشبيهها وأيهم الي بيسمعها بيقول بغضب :_ ديك بلدي يا وسخه امال لو مكنتيش مخطوبه لعيل بيض .. لما اطلعلك يا عديمة الاخلاق ...تنهدت ليلى وبصت للجناح الزجاجي وقالت بحزن:_ايهم مش وحش بس هو طبعه حاد جدا من صغره وزاد الموضوع لما بابا سلمه كل حاجه ده غير ان علاقتهم مش زي اب وابنه ...شغف بغيظ:_ حتى لو عليه مسؤليات لازم يكون اهدا وارقى من كده ليلى بتبص ليها:_ هو عايش في ضغط شغل ما بيخلصش غير كده هو كان ظابط وبيحب شغله بس بابا أجبره يسيب شغله عشان يمسك اعمال العيله  اتخلى عن اسمه وسمعته وشغله الي بيحبه عشان يدير مجموعه السلحدار وكمااان  ...اترددت ليلى تكمل ولا تسكت فقالت شغف لما لقيتها متردده:_ كمان ايه بلعت ريقها وهي عارفه ان الموضوع ده مينفعش تتكلم فيه :_كمان من سعت موت والدته وهو8 سنين وهو متأثر شوي خصوصا ان بابا اتجوز بعدها ماما من غير ميستنا عدت أم أيهم تخلصشغف بصدمه :_ ازاي هو ايهم مش اخوكي من الام بتهز ليلي راسها بنفي:_ لا ايهم اخويه من الاب بس .. انا وزين الي اخوات من الام والأب ..بتتنهد شغف لما بتفهم الحاله الي هو فيها فبتقلها ليلى:_ بس يعني انا شيفه ان انتي الي هتفتحي جنزير قلبه يا بت ..شغب بتاخد رشفه من العصير وبتبص لجنينتها وبصوت حزين هادي بتهمس:_مش لما ألاقي الى يفتح قلبي أنا الأول يا ليلى فجأه قاطعهم صوت زين:_ الله الله على شغل خواجت قلبي والله السطح مكنش نازلي من زور بس دلوقت بق أش أش أش على الحلاوه ضحكت شغف :_  زين الرجال انت عندك كام سنهقرب زين وسحب كرسي حطه قدامها وقعد:_محسوبك زين ممكن تناديني زنزان .. عندي23 سنه راجل اوي هعجبك طاااهر من العلاقات سنجل بااائس ..فلو جي معاكي سكه مستعد أقلب شوجر دادي حالا وأنسى أني عشريني رجعي..ضحكت شغف وهزت راسها وهي مش مصدقه كلامه فليلى قالت بقرف:_ شوجر دادي وطاهر ... انت مينفعش معاك غير انك تكون بائس فعلا متصدقهوش يا شغف دي الزباله أطهر منه .._ حد يسد المجاري الي عمالة تطفح علينا دي ونبي معرفش عمر مستحملك على أيه يا بوز الفقر ده من سعت مخطبك وهو عنده تسلخات .._ ولاد ريح عشان معلمش عليك ماشي..ضحكت شغف وهي بترفع ايدها تهديهم:_ خلاص خلاص انتو بجد مش معقولين .. يا بختكم ببعض بس أي رايك يا زين في الجنينه عجبتك_ والله لو مكب خرده معاكي هيبق جنه ضحكت شغف اكتر في حياتها متعودتش على المغازلات فكانت جديده عليها كل دي الأجواء..كل ده تحت عيون ايهم الي غارت بالسواد وبقت كتلت غضب فضل يراقبهم لحد ما نزلو ....  نزل بعدهم على جناحه دخل غرفت تغيير الملابس خلع قميصه ورماه على الأرض ودخل ياخد شور يهدي بيه صدره الي والع نار من كل حاجه وعكسها في المشاعرخرج رما نفسه وهو لسه عريان الصدر على السرير بص للسقف الأسود وغمض عينه عشان يروح في النوم والذكريات بتهاجمه زي الذئب المفترس ...افتكر ملامح أمه الي كانت بتاخده معاها لمكان غريب غمض عينه اكتر وهو بيحاول يبعد صورتها عن عقله بس للأسف جاتله نفس الذكرى باب مفتوح فتحه صغيره بيبص فيه بكل برائه وهو بينادي على امه بس ظهر الراجل الي معاها مهما حاول يشوف ملامحه مكنش بيعرف ..اتنهد والدموع نازله من عينه وفكه بق مشدود اكتر ومره وحده صدره ضاق ونفسه بدء يختفي من الذكرى الي مش بتفارقه صورت والدته في حضن راجل غريب كانت كابوسه وهو صاحي ..بدأ العرق يملى جسده وتشنجت اعصابه  مسك في غطاء سريره اكتر كانها هي الي هتنقذه من الأكلان الي بينهش فيه ومره وحده حس بالاختناق وبق بيحاول يمد ايده لكمود السرير الي جنبه ... ولسه بيحاول يقرب وقع من على السرير بسبب نوبت الربو الي اجتاحته فتح الدرج بايدين مرتعشه وخرج بخاخ وبصعوبه حطه في فمه وبده يضغط على البخاخ بعد اقل من  دقايق هدي صدره بس عيونه الدموع فيها موقفتش لحد هنا غمض عينه وهو بيبص للسقف بشرود ولسه جسمه على الأرض بتعب ووهن من إحساس الخوف والخذلان ....يتبع .....